Суғд: парвандаи ҷиноятӣ нисбати 30-нафар волидон

    Прокрони шаҳру ноҳияҳои вилояти Суғд барои аз тарафи падару модарон, намояндагони қонунии ноболиғон, омӯзгорон, кормандони муассисаи таълимӣ иҷро накардани ӯҳдадориҳои парасторӣ, тарбиявӣ, таълимӣ, ҳамояи ҳуқуқ ва манфиатҳои ноболиғон, бо моддаи 90-и Кодекси ҳуқуқвайронкунии маъмурӣ 302 парванда оғоз ва барои баррасӣ ба судҳо ирсол намуданд.

      Аз ин теъдод парвандаҳо 280-то нисбати волидон, барои истифодаи телефон дар мактаб 40-нафар, бе либоси мактабӣ омадан 29-нафар, оворагардӣ 28-нафар, муҳайё накардани шароит барои таълим 30-нафар, бо ҷавоҳирот ба мактаб омадан ва нагирифтанӣ шаҳодатромаи таваллуд 6-нафар мебошанд.

       Ҳамчунин прократураи вилоят  вобаста ба монеъ шудан барои гирифтани таълимоти ҳатмии умумии асосӣ (синфи 9) нисбати падару модарон 30 парвандаи ҷиноятӣ оғоз ва тафтиш кардааст.

                                                                                                                                                         Фарзона Муродӣ

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube