Тағироти кардӣ дар Хатлон

Гулбаҳор Кенҷазода, мудири шуъбаи маориф дар ноҳияи Вахш аз вазифа озод шуд. Ӯ дар мувофиқа бо Роҳбари давлат муовини раиси ноҳияи Вахш таъин гардид.

Аз мақомоти ноҳияи Вахш ба Pressa.tj  гуфтанд, ки ҳоло ҳеҷ кас мудири шуъбаи маориф таъин нашудааст. Мудирони шуъбаҳои маориф дар шаҳру ноҳияҳои кишвар бо фармоиши Вазири маориф дар мувофиқа бо мақомоти маҳаллӣ таъин мешаванд.

Аз шуъбаи маорифи ноҳияи Вахш гуфтанд, ки Гулбаҳор Кенҷазода, ки муовини раиси ҳамин ноҳия таъин шудааст, дониши хуб ва таҷрибаи баланди роҳбарӣ дорад.

Ӯ чанд сол таҷрибаи омӯзгорӣ дошта,  дар гузашта роҳбари муассисаи таълимӣ ва мудири шуъбаи маорифи ноҳияи Вахш фаъолият кардааст. Дар замони роҳбарии ӯ бо саҳми сокинон ва шахсони саховатманд чанд бино ва синфхонаҳои иловагӣ сохта шудааст.

Ҳамчунин, дар мувофиқа бо Президенти кишвар, Афзал Юсуфзода муовини аввали раиси шаҳри Бохтар таъин шудааст. Ӯ то ин замон мудири шуъбаи рушди иқтисод ва савдои мақомоти иҷроияи ҳакимияти давлатии шаҳри Бохтар буд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube