Таҳсили ройгон дар Амрико (Видео)

Аз 18-ум то 22-юми ноябри соли ҷорӣ дар шаҳри Душанбе “Ҳафтаи таҳсили байналмилалӣ” ҷашн гирифта мешавад.

Ҳафта бо намоишгоҳи таҳсилотӣ воқеъ дар Китобхонаи Миллии Тоҷикистон рӯзи 18-уми ноябр аз соати 14:00 то 17:00 баргузор гардид, дар он муассисаҳои таълимӣ аз қабили Шӯрои амрикоӣ (ACCELS), Маркази машваратии таҳсилотӣ (Education USA), Марказҳои Амрикои (American Spaces), Донишгоҳи Осиёи Марказӣ, Маркази Фарҳангии Бохтар, Сафорати Британияи Кабир, ташкилоти ҷамъиятии Пешрафт, Илмхона, Институти “Ҷамъияти Кушода” Бунёди Мадад ва Дафтари миллии Эрасмус+ иштирок карданд.

Ҳар яке аз ин муассисаҳо ба ҳавасмандон оиди барномаҳои таълимии худ ва имконоти таҳсил маълумот доданд, ҳамчунин ба саволҳои онҳо ҷавобҳои муфассал доданд. Ҳафтаи таҳсили байналмилалӣ як имконият барои таҷлил намудани самараи таҳсил ва табодули таҳсили байналмилалӣ дар тамоми гӯшаву канори ҷаҳон мебошад.

Ин ташаббуси муштараки Департаменти давлатӣ ва Вазорати маорифи ИМА як ҷузъест аз кӯшишҳои Иёлоти Муттаҳида дар тарғиби барномаҳое, ки аз як тараф барои омода сохтани халқи Амрико ба зиндагӣ дар муҳити ҷаҳонӣ равона гашта, аз тарафи дигар, пешвоёни кишварҳои дигарро ба омӯхтан ва истифода бурдани таҷрибаи пешқадами Иёлоти Муттаҳида ҷалб менамояд.

Барномаҳои табодулӣ ба мисли Open World, Flex, UGRAD, Full Bright, Ted girls ва ғайраҳо дар эҷод кардани ҳамдигарфаҳмиву эҳтироми якдигар, омода намудани пешвоён дар саросари дунё ва беҳтар намудани робитаҳои халқи Амрико бо халқҳои кишварҳои дигар нақши бениҳоят муҳимро мебозанд.

Дар намоиши мазкур намояндагони сафорати ИМА, намояндаи Донишгоҳи  Осиёи Марказии шаҳри Хоруғ ва намояндагони  дигар барномаҳои дар Тоҷикистон фаъолият дошта, бо рузноманигорон сӯҳбат доштанд.

Бахтовар Сафаров

Наврӯзмоҳ Вазирбекова

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube