Тиллодуздии ноболиғ дар ҳаҷми 70 ҳазор сомонӣ

Як ноболиғ ва як ҷавон дар ноҳияи Рӯдакӣ 1-адад телефони мобилии тамғаи “Самсунг” ва ҷавоҳироти гуногуни тиллоиро дуздидаанд, хабар медиҳад дафтари матбуоти Вазорати корҳои дохилии Тоҷикистон.

Бино ба иттилои манбаъ, рӯзи 27-уми октябр ба ШВКД-1 дар ноҳияи Рӯдакӣ марди 38 сола бо аризаи шикоятӣ муроҷиат мекунад, ки шаби 24 ба 26-уми ноябри соли равон тахминан соати 01:30-дақиқа шахсони номаълум бо роҳи пинҳонӣ ба хонаи истиқоматиаш даромада, аз он ҷо 1-адад телефони мобилии тамғаи “Самсунг” ва ҷавоҳироти гуногуни тиллоиро дуздида, аз ҷойи ҳодиса ғайб задаанд.

“Зарари расонидашуда ба ҷабрдида 70 000 сомониро ташкил медиҳад”, — омадааст дар иттилоия.

Ҳангоми гузаронидани чорабиниҳои оперативӣ — ҷустуҷӯӣ кормандони милитсия ноболиғ — писарбачаи 14-сола ва ҷавони 19-солаи сокинони ноҳияи Рӯдакиро бо ҷурми дуздӣ дастгир намуданд.

Тафтишот аз рӯи ин ҳодиса идома дорад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube