Тоҷикистон дар истифодаи интернет мақоми чорумро соҳиб аст

Мувофиқи ҳисоби Бонки Ҷаҳонӣ нархе, ки сокинони Тоҷикистон барои интернет пардохт мекунанд, яке аз гаронтаринҳо дар ҷаҳон аст.

Ханс Тиммер, иқтисодчии Бонки Ҷаҳонӣ зимни муаррифии гузориш дар бораи “Истифодаи интернет барои рушд дар Аврупо ва Осиёи Марказӣ” инро  зикр карда, афзудааст, арзиши умумии обуна барои интернет дар Тоҷикистон 16%-и даромади моҳонаро ташкил медиҳад.

Ба иттилои манбаъ дар ҳоли ҳозир 17%-и аҳолии Тоҷикистон ба интернет дастрасии доимӣ доранд: “Ин нишондод дар кишварҳои дигари Осиёи Марказӣ Қирғизистон 28%, Узбакистон 44% ва дар Қазоқистон 55% мебошад”.

Бонки ҷаҳонӣ афзудааст, Тоҷикистон бо аҳолии ҷавон ва афзоишёбандааш имконияти хуб барои истифодаи иқтисоди рақамӣ баҳри шукуфоии бештар ва фароҳам овардани ҷойҳои кориро дорост: “Тоҷикистон метавонад аз технологияи рақамӣ ва дастрасӣ ба интернет манфиатҳои бузурги иқтисодӣ ва иҷтимоӣ бинад”.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube