Толеъномаи 1-уми августи соли 2023

Ҳамал (21 март-20 апрел)

Дар ин рӯз куҳро зада талқон кардан мехоҳед, вале аксари ҳодисаҳо хилофи хоҳишҳоятон сурат мегиранд. Хусусан ин ба нафароне дахл дорад, ки бо тиҷорат сарукор доранд. Дар давоми рӯз аз хешовандони раҳдуратон хабар мешунавед ё пешниҳоди нави корӣ мегиред.

Савр (21 апрел-22 май)

Рӯзи хубест, дилатон лабрези фараҳу шодӣ мегардад. Ягона чизе, ки табъатонро хира месозад, ин занги ногаҳонӣ аз дӯстатон аст. Агар шумо ба рухсатии меҳнатӣ баромада бошед, дар хона нишастанро маслиҳат намедиҳем. Ба оббозиву сайругашт равед. Ҳангоми пур кардани ҳуҷҷатҳо бодиққат бошед, ба ғалатҳои ҷиддӣ роҳ доданатон имкон дорад.

Ҷавзо (23 май-21 июн)

Баъзе ҷавзоҳо чунон сахт ошиқ мешаванд, ки наздикону корҳояшонро фаромӯш месозанд. Дар аввал тамоми ваъдаҳои худро ба анҷом расонед, баъдан бо мушкилоти шахси худ машғул шавед. Рӯзи хубест барои омӯзгорон. Баъди нисфирӯзӣ ба муноқиша роҳ надиҳед, вагарна шаби дароз мижа таҳ карда наметавонед.

Саратон (22 июн-22 июл)

Дар ин рӯз чанд мушкили ночиз пеш меояд. Агар табъи хушро аз даст надиҳед, қариби бегоҳ он чизеро, ки аз даст дода будед, бармегардонед. Дар рафти суҳбат бо ҳамкорони ботаҷриба камгуфтор бошед. Агар имкон дошта бошед, истироҳат намоед. Дар ин рӯзҳо эҳтимоли асабхаробӣ ва ҷароҳат бардоштанатон зиёд аст.

Асад (23 июл-23 август)

Дар ин рӯз табъи нохушро рафъ кардан кори душвор аст. Агар бо атрофиён муноқиша кардану бо золимӣ ном баровардан нахоҳед, худро ислоҳ кунед. Ба санаи истеҳсоли маҳсулоти истеъмолмекардаатон диққат диҳед, эҳтимоли бемор шуданатон вуҷуд дорад.

Сумбула (24 август-23 сентябр)

Бо ҳар нафаре, ки шинос мешавед, бодиққат бошед. Дар ҷодаи касбу кор фаъолнокӣ нишон надиҳед, нофаҳмиҳои ночиз табъатонро хира мегардонанд. Бо кумаки нафари саховатманду дорое мушкилиҳои зиёдатонро рафъ месозед. Бо шарикони корӣ муноқиша накунед.

Мизон (24 сентябр-23 октябр)

Дар ин рӯз ташвишу тараддудатон зиёд мегардад. Барои рафъ намудани баъзе мушкилиҳо ва хариди чизҳои даркорӣ ҳатто аз шаҳр берун рафтанатон лозим меояд. Бахти мизонҳои муҷаррад имрӯз механдад. Баъди нисфирӯзӣ эҳтимоли баланд шудани фишори хунатон вуҷуд дорад.

Ақраб (24 октябр-22 ноябр)

Фавран аз пайи рафъ намудани мушкилоти куҳнаи худ шавед. Ба танбаливу сабукфикрӣ роҳ надиҳед, вагарна ба ҳодисаҳои ногувор гирифтор мегардед. Вазъи молиявиро бо пайдо шудани даромади пулӣ беҳтар мегардонед. Эътимод ба худ ва ба наздикон боиси хушҳолиятон мегардад.

Қавс (23 ноябр-21 декабр)

Рӯзи серташвиш аст. Аз ҷониби хешовандон айбҷӯӣ имкон дорад, вале дар лаҳзаи даркорӣ хомӯширо риоя намоед. Агар шумо тамоми нерӯи худро ба як самт равона карда, меҳнат кунед, самараашро бегоҳирӯзӣ мебинед. Ранҷишу хафагиҳоро ба осонӣ бахшида, душманонро моту мабҳут мегардонед.

Ҷаддӣ (22 декабр-20 январ)

Пулҳои худро ба ягон кори сердаромад сарф кунед. Дар ягон кор дудилагӣ накунед. Занги ногаҳонӣ шуморо дар ҳоли ногувор мегузорад. Собиқ дӯстдоштаатон кӯшиши баргардонидани шуморо мекунад, вале ба эҳсосоти лаҳзаина дода нашавед, вагарна боз пушаймон мешавед.

Далв (21 январ-20 феврал)

Дар ин рӯз аз кумаки молиявие, ки дӯстатон пешниҳод мекунад, рӯ нагардонед. Агар вазъи иқтисодиятон душвор бошад, ин маблағ айни муддао мегардад. Дар саломатиятон мушкилӣ сар зада, бемориҳои ирсии меъда ва гурда имкон доранд. Айни гармии ҳаво дар кӯча гаштанро тавсия намедиҳем.

Ҳут (21 феврал-20 март)

Дар ҷойи коратон вазъият душвор мегардад. Нафаре аз ҳамкорон кӯшиши асабонӣ намудани шуморо мекунад. Барои аз муноқишаҳо эмин мондан хушмуомила бошед. Бегоҳирӯзиро бо наздиконатон гузаронед. Пулҳоятонро аз гумшавӣ эҳтиёт кунед, вагарна гирифтори фишори руҳӣ мегардед.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube