Ҳамал ( 21 март-20 апрел)
Рӯз барои ҳамалҳо аз ҳама ҷиҳат бобарор меояд. Фарзандон ва наздикон шуморо хушҳол мегардонанд. Вале аз худхоҳӣ ва хоҳиши зиёди фармонравоӣ кардан болои дигарҳо дар дилатон бедор шуда, ҳама корро расво мекунад. Агар ба ин майл дода шавед кор бо муноқиша ё бемории музмин анҷомиданаш мумкин. Бинобар ин болои хоҳишҳои хеш ҳоким шавед ҳам ба манфиати шумо ва ҳам атрофиён хоҳад буд.
Савр ( 21 апрел – 22 май)
Рӯз барои оғози корҳои нав чандон мувофиқ нест. Беҳтар мебуд агар корҳои пешинаро ба анҷом расонеду баъдан дар фикри навгониҳо шавед. Имрӯз ҳаёт ба назаратон якрангу дилгиркунанда менамояд ва дар ҷустуҷӯӣ дигаргуни афтода ба сари хеш бало оварданатон аз эҳтимол дур нест. Муносибат бо наздикон чандон хуб набуда, барои беҳтаргардонидани он ягон кӯшише низ кардан намехоҳед. Агар вазъият чунин идома ёбад бо яке аз пайвандони куҳансол ҷанҷол карданатон мумкин.
Ҷавзо ( 23 май-21 июн)
Рӯз дар маҷмӯъ хуб аст, шумо на танҳо мушкилоти кориатонро ҳал мекунед, балки мавқеъи хешро дар байни рақибону ҳамкасбон мустаҳкам мекунед. Ба осонӣ чи дар соҳаи кор бошад чи дар муносибатҳои шахсӣ дили ҳамсӯҳбатони хешро ба даст меоваред. Муваффақиятҳои пай дар пай бовариатонро ба хеш меафзояд. Эҳтимол маҷбӯр шавед чанд корро дар якҷоягӣ анҷом диҳед, вале ягон мушкилӣ наметавонад рӯҳӣ муборизи шморо шикаст диҳад. Шом барои мулоқоту вохӯриҳои ошиқона муносиб аст.
Саратон (22 июн- 22 июл)
Давоми рӯз бояд боғайрат ва серҳаракат бошед. Барои вохӯрӣ бо шахсони воломақом ва намояндагони ҳукумат вақти мувофиқ аст. Эҳтимол шахсеро пайдо кунед, ки лоиҳаи наватонро маблағгузорӣ кунад. Дар ҳаёти шахсиатон низ вазъият хуб буда, чун бо амри дил амал мекунед дар ҳар ҳаракататон муваффақият ҳамроҳи шумо хоҳад буд. Ба таҷрибаи ҳаётии хеш такя намуда амал кунед, аз осеби душманону бадхоҳон эмин мемонед. Нимаи дувуми рӯз сарфи маблағи зиёдро тавсия намедиҳем.
Асад ( 23 июл – 23 август)
Рӯз муқаррарӣ буда ягон навгоние дар назар нест. Асадҳои роҳбар метавонанд ба зердастони худ пурра бовар намуда иҷрои корҳои муҳимро ба онҳо вогузор намоянд. Асадҳои зердаст бошанд ин рӯз маҷбӯр мешаванд зиёд заҳмат кашанд. Дар ҳаёти шахсиатон низ бояд сабур бошед. Агар хоҳед, ки дар оила ҷанҷол нашавад болои наздикон фишор наоваред. Кушиш накунед, ки мушкилоти нимаи дувуми рӯз сарзадаро бо роҳҳои ғайриқонунӣ ҳал кунед
Сунбула ( 24 август- 23 сентябр)
Имрӯз одати пайваста фикри дигарон карданро партоеду аз пайи саломатӣ ва мушкили худ шавед. Ҳарчанд хайрхоҳӣ кори хуб аст, лекин барои некӣ кардан низ нерӯву саломатӣ лозим аст. Нисбати дӯстдоштаи худ ҳукмфармоӣ накунед, вагарна муносибатҳоятон вайрон мегардад. То кадом андоза ба ӯ боварӣ намоед ҳамон андоза кӯшиш менамояд, ки ба бовариатон сазовор гардад. Қувваи худро ба коре равона созед, ки аз уҳдааш баромада тавонед.
Мизон ( 24 сентябр- 23 октябр)
Нимаи аввали рӯз корҳоятон бобарор ва фаъолтар мегардад. Даст рӯи даст гузошта нишастанатон беҳуда аст, ҳатман аз вазъияти мусоид истифода бурда, муваффақ шуда метавонед. Бади нисфирӯзӣ хеле серташвиш мегардед, сафару вохӯриҳо зиёд мегарданд. Рӯзҳои истироҳат метавонед каме танбалӣ кунед. Ба саломатии худ диққат дода, дар атрофатон нафарони дилкашро гирд оваред. Саломатиятон бо сабаби пурхӯрӣ нохуб мегардад, хусусан ширинихӯрӣ ё хастагии бардавом зарар мерасонад.
Ақраб ( 24 октябр- 22 ноябр)
Рӯзи хубест барои нишон додани ташаббус ва пухтакорӣ. Агар танбалиро рафъ карда тавонед, нақшаҳои ҷасуртаринатонро амалӣ сохта метавонед ва кӯшиши зиёд низ ба харҷ доданатон лозим намеояд. Танҳо бо табъи болида комёбӣ ба даст оварда метавонед. Дар ин рӯз бо атрофиён забон ёфтанатон осон мегардад, аз имкони мусоид ҳам дар касбу кор ва ҳам дар ҳаёти шахсӣ истифода баред. Дар масъалаҳои молиявӣ ба кори хатарнок даст назанед. Нисбати саломатӣ ва бехатарии шахсӣ бодиққат бошед.
Қавс ( 23 ноябр- 21 декабр)
Шумо комилан ғами саломатии худро намехӯред, вақте расидааст, ки бо пешгирӣ намудани бемориҳои сирояткунанда машғул шавед. Ҷисми хастагаштаи шумо сабабгори яъсу ноумедӣ, руҳафтодагӣ, табъи хира ва ҳатто қаҳру ғазаб гашта метавонад. Вақти бештари худро барои хобу истироҳат ҷудо намоед. Қобилиятҳои кории худро беҳтар карда наметавонед, аз ин рӯ, бо рафъ намудани корҳои мушкилҳал машғул нашавед. Нимаи дуюми рӯз дар муносибатҳои ошиқонаатон ҳодисаҳои аҷиб рух медиҳанд.
Ҷаддӣ ( 22 декабр- 20 январ)
Шумо бо бадҷаҳливу дағалӣ одат кардаед, ки дигаронро тобеи худ гардонед. Нисбати наздикон дағалӣ карданатон хуб нест, худро ҳамчун шахси бад муаррифӣ накунед. Барои рафъ намудани эҳсосоти манфӣ ва наранҷонидани наздикон роҳҳои дигари рафъи асабониятро пайдо намоед. Бо варзиш машғул шуда, бештар дар ҳаракат бошед. Вақте расидааст, ки сарфа кардани пулро омӯхта, сатҳи даромаду хароҷоти худро таҳти назорат гиред. Рашку гумонҳои бадро нисбати шахси дӯстдоштаатон ба дил роҳ надиҳед, вагарна кор то ба ҷудоӣ мерасад.
Далв ( 21 январ- 20 феврал)
Нақшаву ниятҳои зиёде доред, вале барои амалӣ сохтанашон тамоман вақт ёфта наметавонед. Барои пешравии корҳоятон шумо бояд озодона амал карда тавонед. Нимаи дуюми рӯз дамдузду одамгурез нашавед, беҳтараш бо дӯсти наздикатон дарди дил кунед. Ҳам худро хуб ҳис мекунеду ҳам ба мақсад мерасед. Мушкилиҳои молиявиро баъд аз пайдо намудани сарчашмаи иловагии даромади пулӣ рафъ кардан имконпазир мегардад. Агар қарздор бошед, то охири рӯз қарзатонро баргардонидан лозим меояд.
Ҳут ( 21 феврал- 20 март)
Ба ҳутҳо маслиҳат дода мешавад, кидар ин рӯз саломатии худро эҳтиёт намоянд, зеро ҷисмашон ба бемориҳо тобовар нест. Бегоҳирӯзӣ худро нотоб ҳис мекунед. Бо ягон кори хастакунанда машғул нашавед. Фаромӯш насозед, ки камқувватӣ бар асари бепарвоӣ нисбати худ пайдо мешавад. Агар бо варзиш машғул нашуда, пурхӯрӣ кунеду аз хоб сер намекарда бошед ва бар замми ин, одати сигоркашӣ ва майхорагӣ дошта бошед, аз имрӯз сар карда одатҳои бади худро партоед
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Акс, видео, хабарҳои ҷолибро фиристед: Viber, Whatsapp, IMO, Telegram +992 98-333-38-75
Шарҳ