Бештар

Толеъномаи 24 июл 2018

Толеънома 03.06.2022

Ҳамал ( 21 март-20 апрел)

Рӯз барои ба анҷом расонидани масъалаҳои муҳим, бастани шартномаҳо, шиносоӣ бо нафарони даркорӣ мусоид меояд. Агар нафаре аз шумо кӯмак пурсад, рад накунед ва нисбати заифиву гумроҳии дигарон босабр бошед. Илова бар ин, хеле эҳтиёткор бошед, дар ин рӯз бо сабаби шитобкорӣ ва беэҳтиётӣ  хатари рух додани садама ва бардоштани ҷароҳат зиёд аст. 
Савр ( 21 апрел – 22 май)
То охири рӯз худро бад ҳис карда, аз бемадориву беқувватӣ ба мақсад расида наметавонед. Айни замон тамоми корҳои худро як тараф гузошта, аз пайи беҳтар сохтани вазъи саломатиятон шавед,  вақту қувваи худро беҳуда сарф накунед. Аз пурсидани кӯмак аз наздиконатон шарм надоред: дастгирии онҳо шуморо аз ғарқ шудан дар гирдоби мушкилиҳо наҷот медиҳад. 
Ҷавзо ( 23 май-21 июн)
Дар давоми рӯз диққати атрофиёнро ба худ ҷалб насозед ва тавре рафтор намоед, ки касе аз буданатон дарак наёбад. Танҳо бо ҳамин роҳ бурд мекунед. Ба ҳар коре даст назанед, коратон барор намегирад. Як корро чанд маротиба аз сари нав иҷро карданатон лозим меояд. Қуввату асаби худро муҳофизат намоед. Робита бо одамон боиси асабхаробии шумо мегардад, аз ин лиҳоз муоширатро кам кунед. 

Саратон (22 июн- 22 июл)

Дар ҳаёти шахсӣ росткору самимӣ бошед. Вақти пинҳонкориву гапҳои нотамом нест. Тавре рафтор намоед, ки нафари ба ҷону дил баробаратон ба муҳаббати шумо шакку шубҳа накунад. Барои пешравии корҳоятон барои худ шарикони боэътимоду таҷрибадорро пайдо намоед. Ба монеаҳое, ки сади роҳатон мешаванд, диққат надиҳед, агар аз пашша фил насохта амал кунед, дар тамоми корҳои пешгирифта муваффақ мегардед

Асад ( 23 июл – 23 август)
Вазъи саломатиятон нохуб гашта, корҳоятон низ чандон хуб намешаванд. Аз ҷониби дигар саховатмандиву дилкушодии шумо диққати нафарони аҷибро ба шумо ҷалб месозад. Баъзе нафарони дар ин моҳ тавлидёфта ба нафарони ниёзманд на танҳо кӯмаки моддӣ, балки маслиҳатҳои судманд медиҳанд. Дар баробари ин, фаромӯш насозед, ки даву този аз ҳад зиёд ба манфиати шумо нест, вагарна саломатиятон бад гашта гирифтори руҳафтодагӣ мегардед.

Сунбула ( 24 август- 23 сентябр)

Шуморо рӯзи аҷибу пурмаҳсул дар пеш аст. Аз масъулият доштану истифода бурдани шиносҳо ва ба дигарон таъсир расонидан натарсед, он гоҳ муваффақ мегардед. Нимаи аввали рӯз дар байни шумову ҳамкоронатон нофаҳмӣ рух медиҳад. Миёнаи рӯз чунон қуввату мадори зиёд эҳсос мекунед, ки ба назаратон куҳро зада талқон кардан осон мегардад. Дар ин рӯз бо нафаре шинос мешавед, ки дар ҳама кор дастгиру мададгоратон мегардад.

Мизон ( 24 сентябр- 23 октябр)

Дар ин рӯз ҳар коре, ки дар зиндагиятон рух медиҳад, решаашро чуқур санҷида бодиққат бошед, вагарна ба иштибоҳ роҳ медиҳед. Аксари мизонҳо дар ин рӯз худро нороҳату бесарпаноҳ ҳис мекунанд. Ба мушкилиҳои хурд диққат надиҳед, вагарна бо тарсу шакку шубҳаи нодаркор азият мекашед. Дар ин лаҳзаҳо дӯстону хешовандон дастгиратон бошанд, тамоми мушкилиро пас сар мекунед.

Ақраб ( 24 октябр- 22 ноябр)

Рӯз аз вохӯриву сафар ва баррасӣ намудани нақшаҳои наве, ки дар сурати кӯшиш ба харҷ доданатон амалӣ мегарданд, бой аст. Дар баробари ин, мушкилиҳо низ зиёд мешаванд. Миёнаи рӯз вазъият рӯ ба беҳбудӣ оварда, бо истифода аз ақлу заковат ва истеъдод имкони ба даст овардани маблағи хуб фароҳам меояд. Нафаре аз миёни дӯстону ҳамкорон ё наздикон дар рафъи мушкилаш аз шумо кӯмак мепурсад, ҳар коре ки аз дастатон меояд, дареғ надоред. 

Қавс ( 23 ноябр- 21 декабр)

Рӯз барои нафароне, ки корашон бо вохӯриву баромад кардан алоқаманд аст, давраи хуб аст. Барои хуб нигоҳ доштани вазъи иқтисодӣ бояд заҳмати зиёд кашед. Истироҳат кунеду қуввати худро барқарор созед, вагарна худро ба мисли лимуи ҷабида эҳсос мекунед. Ба кӯмаки ҳамкорон низ чандон умед набандед, айни замон дар танҳоӣ амал карданатон беҳтар аст. Ба коре, ки боиси рехтани шаъну шарафатон мегардад, даст назанед. 

Ҷаддӣ ( 22 декабр- 20 январ)

Дар ин рӯз дар масъалаҳои кориву дар робита бо атрофиён мушкилӣ сар мезанад. Хушбахтона шумо аз мушкилиҳо намеҳаросед ва омода ҳастед аз пайи рафъ карданаш шавед. Ин хислататон хуб аст, вале дар сари эҳсосот ба ғалат роҳ надиҳед. Ба хотири саломатии худ дар вақту соаташ истироҳат карданро фаромӯш накунед. Ба коре, ки боиси ҷароҳат бардоштанатон мегардад, даст назанед. Дӯстро аз душман фарқ карданро омӯзед ва гаперо, ки боиси моҷарои калон шуда метавонад, ба касе нагӯед.

Далв ( 21 январ- 20 феврал)

Дар ин рӯз аз меҳрубониву муносибати хуби аҳли оилаи худ ҳаловат мебардоред. Мутаассифона на ҳамаи ҳодисаҳои дар ин рӯз рухдода ба фоидаи шумост. Ба ҳуҷҷатҳои муҳим имзо нагузоред. Аз вазъиятҳои моҷароомез бо сардори корхона ё намояндагони ҳукумат дурӣ ҷӯед. Аз имкон дур нест, ки бадхоҳону рақибонатон аз пушти шумо иғво меангезанд. 

Ҳут ( 21 феврал- 20 март)

Қариб тамоми рӯз шуморо лозим меояд, ки мушкилиҳои иқтисодиро ҳал кунед. Баъзе ҳутҳоро мушкилоти пулӣ ба идораи суду судбозиҳо мебарад. Илова бар ин, бо сардори корхонаатон муноқиша карданатон дар назар аст. Хулоса, мушкилӣ зиёд мешаваду қувваву нерӯи шумо хеле кам. Худро эҳтиёт кунед, вагарна кор ба ҷое мерасад, ки гирифтори руҳафтодагиву яъсу ноумедӣ мегардед. Нимаи дуюми рӯз мушкилиҳо рафъ гашта, дубора ба худ эътимод пайдо мекунед.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube

#
Акс, видео, хабарҳои ҷолибро фиристед: Viber, Whatsapp, IMO, Telegram +992 98-333-38-75


Шарҳ

Назари дигар доред? Нависед!

Leave a Reply

Ваш e-mail не будет опубликован. Обязательные поля помечены *


Дар бораи мо

Ҳафтаномаи «Тоҷикистон» дар Вазорати фарҳанги Ҷумҳурии Тоҷикистон таҳти №0054/РЗ сабти ном шуда, аз соли 1992 инҷониб чоп мешавад. Ба мазмун ва санаду рақамҳои маводи чопшуда муаллифон ҷавобгаранд.

Телефонҳои идора:

Тел: 221-00-84

[email protected]

Шуъбаи реклама:

Тел: 227-19-95

[email protected]

Сайт разработан ООО «Густариш»

Ба боло