Тонали аз “Милан” ба «Нюкасл Юнайтед» мегузарад?

«Нюкасл Юнайтед» дар сомонаи расмии хеш оид ба гузариши Сандро Тонали аз «Милан» хабар додааст. Гуфта мешавад, ки ҷонибҳо шартномаи муҳлаташ то соли 2028 имзо намудаанд.

Қаблан гуфта мешуд, ки «Нюкасл» барои ин нимҳимоягар 70 млн евро бидуни баҳисобгирии иловапулиҳо пардохт намуда, маоши бозигар солона 7 млн евроро ташкил медиҳад. Агар ин ҳаҷми маблағ дарвоқеъ дуруст бошад, Тонали гаронарзиштарин футболбози итолиявӣ дар таърихи футбол мегардад.

Дар мавсими сипаришудаи Серияи А Сандро Тонали дар 34 бозии тимаш иштирок намуда, ду голу ҳафт партофти голӣ ба омор гирифтааст. То гузариш ба «Милан», ки тобистон қабл аз мавсими 2020/2021 сурат гирифта буд, нимҳимоягар дар сафи «Брешия» баромад мекард.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube