Трамп гуфт оилаи муҳоҷиронро аз ҳам ҷудо намекунад

«Ман ба зудӣ ҳуҷҷатеро имзо мекунам», — гуфт Трамп рӯзи 20 июн.

Интизор меравад, ин ҳуҷҷат ба хонаводаҳо имкон диҳад, ки ҳатто баъди боздошти аъзои болиғи хонавода бо айби убури ғайриқонунии марз, фарзандон аз онҳо ҷудо карда нашаванд.

Трамп 18 июн гуфт, ки ИМА «урудгоҳи муҳоҷирон» нахоҳад шуд.

Ҳафтаҳои охир дар ИМА баҳсҳо атрофи ҷудо кардани хонаводаҳои муҳоҷир аз ҳамдигар авҷ мегирад. Дар Амрико ахиран марзбонон муҳоҷирони ғайриқонуниро аз фарзандон ҷудо мекунанд.

Ҳафтаи гузашта мақомоти ИМА хабар доданд, ки давоми ним моҳи охир наздики ду ҳазор кӯдакро аз волидонашон ҷудо кардаанд.

Комиссари олии СММ дар умури ҳуқуқи инсон Зайд Раад Ҳусейн иқдомҳои ахири ИМА-ро танқид кард.