Вазорати тандурустӣ: Дар Тоҷикистон  коронавируси нав нест!

Рӯзҳои охир дар шабакаҳои иҷтимоӣ, аз ҷумла WhatsApp ва Telegram тавсияномае аз номи Вазорати тандурустӣ ва ҳифзи иҷтимоии аҳолии Тоҷикистон оид ба хуруҷи варианти нави коронавируси COVID-Omicron XBB чарх мезанад.

Вазорати тандурустӣ ва ҳифзи иҷтимоии аҳолии Тоҷикистон ба таваҷҷуҳи шаҳрвандон расонидааст, ки маводи мазкур ҳеҷ алоқамандӣ ба вазорат надорад. Он аз номи саҳифаҳои сохта ё ба ибораи дигар «фейк» нашр шуда истодааст.

Аз ин лиҳоз, Вазорати тандурустӣ ва ҳифзи иҷтимоии аҳолии Тоҷикистон аз тамоми сокинони мамлакат даъват ба амал овардааст, ки ба ҳар гуна хабару овозаҳои бардурӯғ вобаста ба хуруҷи сирояти мазкур, ки гӯё дар Тоҷикистон ба қайд гирифта шудааст, бовар накунанд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube