Захира кунед! Дар ду ноҳияи Душанбе об қатъ мешавад

 Имрӯз, 28 октябр аз соати 23:00 то соати 06:00-и 29 октябри соли 2022 интиқоли оби нӯшокӣ дар баъзе  маҳаллаҳои пойтахт муваққатан қатъ мегардад. Дар ин бора шуъбаи иттилоотии дастгоҳи раиси шаҳри Душанбе хабар додааст.

Бо мақсади иҷрои корҳои таъмирию васлкунии таҷҳизот дар истгоҳи обтаминкунии «Фишорӣ» дар минтақаҳои зерин интиқоли оби нӯшокӣ муваққатан қатъ мегардад:

— ноҳияи Исмоили Сомонӣ,  хиёбони Рӯдакӣ (аз кӯчаи Бухоро то кӯчаи С. Ғанӣ), хиёбони Исмоили Сомонӣ, кӯчаҳои М. Турсунзода, Шевченко, Шероз, С. Носир, Шоҳтемур, Ф. Ниёзӣ, А. Командир, М. Холов, Л. Шералӣ, Ғ. Абдулло, Азизбеков, Ф. Шаҳобов, Л. Толстой, М. Миршакар, Пушкин ва Теҳрон;

— ноҳияи Сино, маҳаллаҳои Шараф, Ал-Берунӣ, Беморхонаи клиникии ҷумҳуриявии №3 ба номи Дяков, Муассисаи давлатии «Боғи ҳайвоноти шаҳри Душанбе», КВД «Варзишгоҳи марказии ҷумҳуриявӣ», ҶДММ «Кохи Наврӯз» ва кӯчаи Варзишгарон.

Аз шаҳрвандони хоҳиш карда шудааст, ки дар ин рӯз миқдори зарурии обро захира намоянд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube