Занозании духтарони синфи 8 дар Душанбе

Бино ба гузориши Раёсати ВКД дар ш. Душанбе , 31-уми майи соли ҷорӣ, тақрибан соати 9:35, ҳангоми танаффус, хонандагон — духтарони синфи 8 мактаби № 51 дар саҳни бинои мактаб аз шухӣ ба муноқиша гузашта, бо якдигар даст ба гиребон шудаанд.

Санҷиши ҳодисаи мазкур собит сохт, ки дар вайрон намудани тартибот ва сар задани муноқиша байни хонандагон, ҳар ду ҷониб мусоидат намудаанд.

Вобаста ба ҳолати мазкур нисбати панҷ нафар волидайни ноболиғон протоколҳои маъмурӣ тартиб дода, барои чораҷӯӣ ба додгоҳ ирсол кардаанд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube