Зархаридони рус дар Беларус, “Вагнер” кист?

• Қариб  ду ҳафта қабл аз интихоботи президентӣ дар Беларус, хабаргузории давлатии БелТА бо истинод ба мақомоти ҳифзи ҳуқуқ хабар дод, ки дар наздикии Минск 32 ҷангҷӯи «ширкати хусусии ҳарбии Вагнер (PMC)» боздошт шудаанд. Сабтҳои боздошти ҷангҷӯёни эҳтимолиро дар телевизиони давлатии Беларус 1 намоиш дода шуд.

• BelTA инчунин рӯйхати ҳамаи маҳбусонро бо ном ва санаи таваллудашонро  нашр кард. Ҳадди аққал нӯҳ нафар ҳамчун зархаридони Русия ба пойгоҳи иттилоотии сайти украинии «Сулҳпарвар» шомил карда шудаанд, ки дар бораи шахсоне, ки дар амалиётҳои ҷангӣ дар Донбасс аз ҷониби ҷудоихоҳон иштирок мекунанд, маълумот нашр мекунад. Мақомоти ҳифзи ҳуқуқи Беларус тахмин мезананд, ки русҳои боздоштшуда ба кишвар омадаанд, то вазъро дар ҷараёни маъракаи интихоботӣ муташанниҷ кунанд.

• Дар бораи фаъолияти PMC Вагнер маълумоти хеле кам мавҷуд аст. Дар тӯли солҳои охир, журналистон ва фаъолон дар бораи ин созмон кам- кам маълумот ҷамъ кардаанд.

• Ширкати хусусии ҳарбии Вагнер ё гурӯҳи Вагнер як созмони ғайрирасмии ҳарбӣ аст, ки ба қисми қувваҳои мусаллаҳи доимии Русия дохил намешавад ва дар қаламрави он мақоми ҳуқуқӣ надорад. Қисмҳои ҳарбии PMC Вагнер дар вақтҳои гуногун ва тибқи маълумотҳои гуногун аз 1350 то 2000 нафар буданд. Тибқи иттилои манбаъҳои рӯзномаи олмонии Bild дар Бундесвер, шумораи умумии зархаридон ба 2500 нафар мерасад.

• Мақомоти расмӣ дар Русия мавҷудияти PMC Вагнерро инкор мекунанд. Кремл танҳо иқрор мешавад, ки русҳо метавонанд дар амалиёти ҷангӣ дар хориҷа ширкат кунанд. Фаъолияти ғаразнок мувофиқи моддаи 359 Кодекси ҷиноятии Федератсияи Русия манъ карда шудааст, аммо пешниҳодҳо дар Думаи давлатӣ ва Вазорати корҳои хориҷии Федератсияи Русия дар бораи қонунигардонии ширкатҳои хусусии ҳарбӣ дар Русия пешниҳод карда мешаванд. Дмитрий Валерьевич Уткин бо лақаби  «Вагнер», соли таваллудаш 1970, роҳбари ин ширкати хусусии ҳарбии шумурда мешавад. Вай ин фаъолиятро пас аз озод шуданаш аз вазифаи фармондеҳи отряди 700-юми отрядҳои махсуси спетнази 2-юми бригадаи махсуси алоҳидаи ГРУ, ки дар шаҳри Печораи вилояти Псков ҷойгир буд, сар кардааст. Соли 2016  Уткин –Вагнер дар қабули махсус,дар Кремл вақти мукофотонидани  низомиён, ки бо қаҳрамонии махсус фарқ карда буданд, дида шуд. Аз моҳи июни соли 2017, Уткин таҳти таҳримоти ИМА қарор гирифтааст, зеро бо ширкати хусусии ҳарбии Вагнер алоқаманд аст

Гуфта мешавад, ки яке аз боздоштшудаҳо дар Минск-Андрей Бакунович — дар гузашта снайпери пойгоҳи 201-уми Русия дар Тоҷикистон буда, соли 2014 дар мусобиқаи нишонзанҳои округи марказии ҳарбии Русия ғолиб омада будаст. Он замон снайперҳо аз масофаи 100 метр тангаи 5-рублиро нишон мегирифтанд ва Бакунович бо тири аввал тавонистааст нишонро бизанад.

.А.А.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube