Зеленский: Музокироти ғайримустақим натиҷа намедиҳад

Президенти Украина Зеленский дар яке аз истгоҳҳои метрои Киев як нишасти хабарии калон баргузор мекунад.

Раҳбари Украина аз музокироти идомадошта бо ҳайати Русия ноумедӣ карда гуфт, ки музокироти ғайримустақим бо Путин тавассути шахсони боэътимоди ӯ ё кишварҳои сеюм ба натиҷаи дилхоҳ намеорад ва афзуд, ки аз хатарҳои музокироти мустақим бо Русия ҳарос надорад.

«Ман аз мулоқот бо президент наметарсам, агар дар бораи сӯиқасдҳо сухан гӯем. Ман танҳо ҳақ надорам, ки битарсам», — гуфт ӯ. Зеленский ҳамчунин гуфт, ки дар як вазъ Украина метавонад комилан аз музокирот бо Русия даст кашад.

«Агар мардуми мо дар Мариупол нобуд карда шаванд, агар дар ҳама қаламравҳои ишғолии Украина раъйпурсӣ эълон шавад, Украина аз ҳама гуна музокира хориҷ мешавад», — ҳушдор додааст ӯ.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube