Зеленский нест! Украинаро кӣ сарварӣ мекунад?

Шӯрои Федератсия гуфт, ки Украина ба ҷои Зеленский ҳоло таҳти назорати низомиён қарор дорад.

Дар айни замон ба ҷои президент Владимир Зеленский, Украинаро низомиён ва роҳбарони маъмурияти маҳаллӣ идора мекунанд. Дар ин бора ба РИА «Новости» сенатор аз Қрим, узви кумитаи байналмилалии Шӯрои Федератсия Сергей Тсеков хабар дод.

Ба гуфтаи Тсеков, ҳарчанд Зеленский худро раиси ҷумҳури Украина мехонад, аммо кишварро идора намекунад. «Ӯ танҳо аз ҷое барнома пахш мекунад. Ҳоло давлатро асосан маъмурияти маҳаллӣ ва низомиён идора мекунанд. Ва на дар симои вазири дифоъ, балки Ситоди генералии кишвар, ки барои амалиёти низомӣ масъул аст»,- гуфтааст сенатор аз Қрим.

Ба гуфтаи Сергей Тсеков, мақомоти Украина бо идомаи «ба таври методӣ амалӣ кардани нақшаи худ барои нобуд кардани давлат» кишварро ба як фалокати башарӣ мувоҷеҳ карданд.

Моро дар Телеграм пайгирӣ намоед: https://t.me/tojikistontimes

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube