Журналист, эксперти байналмилалӣ, ноиби ректор мавлуд дорад

Имрӯз, 26-уми апрел Шарофат Худойдодова, журналист ва экперти байналмилалӣ мавлуд дорад. Ӯ ба синни 55 қадам гузошт.

Шарофат Худойдодова зодаи шаҳри Кӯлоб буда, соли 1989 факултаи филологияи руси Институти давлатии педагогии шаҳри Кӯлобро хатм намудаааст. Ҳамчунин, дар факултаи ихтисосҳои ҷамъиятӣ, дар бахшҳои журналистика ва шореҳи сиёсӣ таҳсил намудааст. Баъдан, ба сифати наттоқи бахши русии онвақта радиои вилояти Кӯлоб, мухбири ғайриштатии рӯзномаҳои «Кулябская правда» ва «Роҳи ленинӣ» фаъолият намудааст.

Ҳамзамон, соли 1995 Донишгоҳи давлатии Кӯлобро бо ихтисоси  таъриху филологияи тоҷик хатм карда, солҳои 1995-2004 мудири кафедраи забони русии факултаи филологияи рус, 2004 -2008 мудири кафедраи МТЗАР-и факултаи филологияи рус, 2010-2013 мудири кафедраи умумидонишгоҳии забони русӣ ва аз моҳи декабри соли 2013 то моҳи апрели соли 2014 мудири кафедраи журналистика, аз соли 2014 ноиби ректор оид ба корҳои тарбиявӣ, аз соли 2015 то 2019 ноиби ректор оид ба илм, инноватсия ва аз феврали 2019 то ҳол ноиби ректори донишгоҳ оид ба муносибатҳои байналмилалӣ мебошад.

Шарофат Худойдодова солҳои гуногун дар вазифаҳои декани факултаи филологияи хориҷӣ, муҳаррири рӯзномаи «Анвори дониш», муҳаррири намояндагии Муассисаи давлатии «Телевизиони Сафина» дар шаҳри Кӯлоб низ фаъолият доштааст.

Соли 2010 дар мавзӯи «Таҳлили таркибӣ-мазмунии забон ва услуби матнҳои рекламавӣ (дар забонҳои тоҷикӣ, русӣ ва англисӣ)» рисолаи номзадӣ дифоъ намуда, дар самти омӯзиши забон ва услуби матнҳои рекламавӣ дарТоҷикистон яке аз аввалинҳо мебошад.

Шарофат Худойдодова соли 2019 аз ҷониби Агентии мустақили аккредитатсия ва рейтинги Ҷумҳурии Қазоқистон соҳиби сертификати “Эксперти байналмилалӣ” ба муҳлати 5 сол гардидааст.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube