Ҳарифони дастаи мунтахаби футболи Тоҷикистон маълум шуданд

Дастаи мунтахаби Тоҷикистон дар марҳилаи интихобии Ҷоми Осиё-2027 дар гурӯҳи «А» бозӣ мекунад. Ҳарифони дастаи мунтахаби Тоҷикистон дастаҳои мунтахаби Филиппин, Малдив ва Тимори Шарқӣ хоҳанд буд.

9-уми декабр дар қароргоҳи Конфедератсияи футболи Осиё воқеъ дар Куала-Лумпур маросими қуръакашии марҳилаи интихобии Ҷоми Осиё-2027 баргузор шуд. Дар натиҷа шаш гурӯҳ иборат аз чордастаӣ ташкил карда шуд. Ҳар тим дар гурӯҳ шаш вохурӣ, се бозӣ дар майдони худ ва се бозӣ дар меҳмонӣ анљом медиҳад.

Танҳо ғолибони шаш гурӯҳ ба қисми ниҳоии Љоми Осиё-2027, ки дар Арабистони Саудӣ баргузор мешавад, роҳ меёбанд.

Натиљаи қуръакашии марҳилаи интихобии Љоми Осиё-2027:

Гурӯҳи А: Тољикистон, Филиппин, Малдив, Тимори Шарқӣ

Гурӯҳи В: Лубнон, Яман, Бутан, Бруней

Гурӯҳи С: Ҳиндустон, Ҳонконг, Сингапур, Бангладеш

Гурӯҳи D: Тайланд, Туркманистон, Тайбэйи Чин, Шри-Ланка

Гурӯҳи E: Сурия, Афғонистон, Мянмар, Покистон

Гурӯҳи F: Ветнам, Малайзия, Непал, Лаос

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube