Ҳушдори Эрон ба кишварҳои Халиҷи Форс

Имрӯз, 11 октябр Эрон кишварҳои Халиҷи Форсро огоҳ кард, ки додани фазои ҳавоии онҳо барои Исроил бо мақсади ҳамла ба Эрон ҳамчун «амали ҷанг» баррасӣ карда мешавад.

Арабистони Саудӣ ва ҳамсоягони он аз зарбаҳои ҷавобӣ ба иншооти нафтии худ дар суръати шиддат гирифтани низоъ метарсанд.

Тибқи иттилои хабаргузории Reuters, давлатҳои Халиҷи Форс, аз ҷумла Арабистони Саудӣ, Қатар ва АМА, ба истифодаи фазои ҳавоии худ барои ҳамлаи эҳтимолии Исроил ба Эрон мухолифанд. Онҳо дар ин бора ба ИМА хабар дода, мавқеи худро таъкид карданд.

Теҳрон, дар навбати худ, ин ҳафта ба Арабистони Саудӣ ҳушдори возеҳ фиристод, ки дар сурати кӯмак ба Исроил, Эрон наметавонад амнияти иншооти нафтии саудиро кафолат диҳад.

Ба гуфтаи манбаъҳои наздик ба роҳбарияти Арабистони Саудӣ, Теҳрон инчунин ишора кардааст, ки иттифоқчиёни он ба монанди Яман ва Ироқ метавонанд манбаи таҳдидҳои эҳтимолӣ бошанд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube