170 ҷинояти ҷавонон дар “Соли ҷавонон”
Дар вилояти Суғд 170 адад ҷиноят аз ҷониби 145 ноболиғ амалӣ карда шудааст. Аз ин теъдоди ҷиноятҳо 103-дуздӣ, 19- авбошӣ, 19 қасдан расонидани зарари вазнин ва миёна ба саломатӣ, 7 ҳолати вайрон кардани қоидаҳои ҳаракат дар роҳ, 6 ҷинояти ахлоқӣ, 3 ғоратгарӣ 2 қаллобӣ ва 11адад дигар намуди ҷиноятҳо мебошад, ки бо иштироки ноболиғон содир шудааст.
Имрӯз зимни нишасти матбуотӣ сардори Раёсати вазорати корҳои дохилии ҶТ дар вилояти Суғд генерал-майори милитсия Назарзода Қудратулло Бобо гуфт, ки ноболиғон 114 ҷиноятро дар танҳоӣ ва 56 ҷиноятро дар ҳайати гурӯҳ содир кардаанд:-“Аз шумораи умумии ноболиғони ҷиноятсодиркарда 75 нафарашон хонандагони мактабҳои таҳсилоти миёнаи умумӣ ва 9 нафарашон толибилмони омӯзишгоҳҳои касбӣ-техникӣ ба шумора рафта, 61 нафарашон дар ягон ҷо таҳсил ё кор намекунанд”-афзуд Назарзода.
Фарзона Муродӣ
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ