4 медали тиллои варзишгарони сабуки Тоҷикистон

Аз Федератсияи варзиши сабуки Тоҷикистон ба ВАЮ иттилоъ доданд, ки варзишгарони ҷумҳурӣ дар мусобиқаи кушоди Ҷоми Ӯзбекистон бахшида ба хотираи Мураббии шоистаи Ӯзбекистон В.В.Андреев 4 медали тилло, 5 нуқра ва 4 биринҷӣ  оварданд.

Мусобиқаи мазкур аз 10 то 12 июн дар шаҳри Тошканд баргузор шуд ва дар он 350 варзишгар аз кишварҳои Ӯзбекистон, Тоҷикистон в Қирғизистон дар давидан ба масофаҳои гуногун, аз ҷумла бо монеаҳо, ҷаҳидан ба дарозию баландӣ, гурзандозӣ, дискпартоӣ, гулӯлапартоӣ ва найзапартоӣ қувва озмуданд.

Медалҳои тилло  Александр Пронженко дар масофаи 200 м (натиҷа — 21,80), Кристина Пронженко – дар масофаҳои 400 м (55,33)  ва 400 м бо монеаҳо (59.93) ва Одилшоҳ  Исматовро дар масофаи  800 м (1:54,93) зеб дод.

Алишер Пӯлодов (400 м б/м) — 53.50, Ҳусниддин Зарифов (ба баландии 1.95 м), Фаридун Ашуров (диск- 45.36 м), Абдурауф Мӯсоев (гурзандозӣ — 57.25 м), (Даврон Атабаев, Фаворис Музрапов, Нуриддин Қурбонов, Александр Пронженко дар  эстафетаи 4х100 м (42.11сония) медлҳои нуқра гирифтанд.

Медалҳои биринҷиро Даврон Атабаев (100 м — 10,88), Ҳасан Ёқубзода (800 м — 1:56,51), Зоир Шералиев (гурзандоз — 57.13 м) ва Зафарҷон Ҳасанбой (роҳравии варзишӣ ба 10 км — 54:04,34) соҳибӣ карданд.

Бояд гуфт, ки дастоварди порсолаи варзишгарони сабуки Тоҷикистон дар ин мусобиқа ҳамагӣ 1 медали тилло, 2 нуқра ва 3 биринҷӣ буд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube