$8 млн. корхонаи истеҳсоли қубурҳои шишапластикӣ дар Душанбе

Дар шаҳри Душанбе, корхонаи истеҳсоли қубурҳои шишапластикӣ бо сармоягузории 8 миллион доллар сохта, ба истифода дода мешавад.

 Интизор  меравад, ки бо истифода додани ин корхонаи саноатӣ беш аз сад нафар бо ҷойи кори доимӣ таъмин хоҳад шуд. Дар ин росто, дар Кумитаи давлатии сармоягузорӣ ва идораи амволи давлатии Ҷумҳурии Тоҷикистон Созишномаи сармоягузорӣ байни Ҳукумати Ҷумҳурии Тоҷикистон ва Ҷамъияти дорои масъулияти маҳдуди «Композит Т.А.» оид ба сохтмон ва истифодабарии Корхонаи истеҳсоли қубурҳои шишапластикӣ дар шаҳри Душанбе ба имзо расид. Корхонаи мазкур аз ҷониби Ширкати «Композит Т.А.» сохта, ба истифода мешавад.

Корхонаи истеҳсоли қубурҳои шишапластикӣ дар майдони 4 гектар бунёд гардида, иқтидори истеҳсолии он дар як сол то 150 километр қубур мебошад. Диаметри қубурҳои истеҳсолшаванда аз 300 мм то 3000 мм-ро ташкил менамоянд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube