Ал-Бағдодӣ боз “зинда” шуд

Абубакр Ал-Бағдодӣ пас аз танаффуси тӯлонӣ дубора дар як навори видеоӣ дар шабакаи хабарии “Ал-Фурқон” зоҳир шуд.

Ин навори 18-дақиқаии видеоӣ ва суханронии ӯ зуҳури Ал-Бағдодӣ дар шабакаҳои иттилоотӣ пас аз соли 2014 маҳсуб мешавад.

Вай дар ин навор иддао мекунад, ки “агарчи ҷангҳо дар шарқи Сурия поён ёфтааст, вале ҷангҳои тӯлонӣ ва хастакунанда алайҳи душман дар пеш аст”.

Қаблан чанд маротиба хабарҳо дар бораи кушта шудани Ал-Бағдодӣ, раҳбари гурӯҳи террористии “Давлати исломӣ”  пахш шуда, аммо ин хабарҳо расман таъйид нашуданд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube