Аз ҷиноятҳои ноболиғон то зарари сӯхтору садамаҳои нақлиётӣ

Имрӯз зимни нишасти матбуотии Вазорати корҳои дохилии Тоҷикистон зикр гардид, ки дар давраи ҳисоботӣ 763 ҷиноят аз тарафи ноболиғон ва 4759 ҷиноят аз ҷониби ҷавонон ба қайд гирифта шудааст.

Инчунин, дар соли гузашта дар ҷумҳурӣ 1189 ҳодисаи сӯхтор рух додааст, ки дар натиҷа 10 одам фавтидаанд. Маблағи зарар бошад, 70 миллиону 820 ҳазор сомониро ташкил медиҳад. Маблағи молу ашёи эмин нигоҳдошташуда 498 миллиону 661 ҳазор сомониро ташкил медиҳад.

Ҳамзамон, тавре зикр гардид, дар соли 2021 дар кишвар 1102 садамаи нақлиётӣ ба қайд гирифта шудааст, ки дар натиҷа 395 нафар ба ҳалокат расида, 1218 нафар ҷароҳатҳои гуногуни ҷисмонӣ бардоштаанд.