Аз таҳти дил бихандед!

Шубҳа

Зане ба табиби равоншинос занг зада, арзи дил мекунад:

— Духтур, ҷавони дӯстдоштаам ҳар шом соати 20:00 хоб рафта, дигар ба паёмакҳои ман посух намедиҳад.

Равоншинос дар ҷавоб мегӯяд:

— Духтари нағз, аз афташ дӯстдоштаи шумо зан дорад.

Даҳшат

Зан ба шавҳар мегӯяд:

— Ту тамоман аз худ рафтаӣ? Дар ҳузури ман аз ин духтар чашм канда наметавонӣ!

Шавҳар дар ҷавоб:

— Азизакам, ман аз афти бадҳайбати ин духтар ҳайрон шудам.

Зан ин дафъа мепурсад:

— Ин тавр бошад, оби даҳонат барои чӣ рехт?

Шавҳар мегӯяд:

— Аз даҳшат азизам, аз даҳшат…

Оббозӣ

Зане ба шавҳараш паёмак менависад:

— Мардак, писарамонро аз кӯча ба хона оварда, оббозӣ дорону хӯрок дода, хобон.

Шавҳар дар ҷавоб менависад:

— Занак, чор кӯдакро оварда шустам, ҳанӯз бачаи худамонро наёфтаам.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube