Аз таҳти дил бихандед!

Савол ва посух

Рӯзноманигор аз марди сарватманд интервю мегирад:

— Шумо чӣ гуна сарватманд шудед?

Марди сарватманд:

— Ақидаи онро, ки “пул дар зиндагӣ муҳим нест, танҳо кор муҳим аст”, сармашқи зиндагӣ қарор додам.

Рӯзноманигор:

— Бо ҳамин ақида бой шудед?

Марди сарватманд:

— Не, ман вақте сарватманд шудам, ки андешаи зердастонамро дар ин ақида устувор намудам.

Бо палто

Шавҳар аз занаш мепурсад:

— Занак, барои чӣ ба занги телефон ҷавоб надодӣ?

Зан мегӯяд:

— Дар ҳаммом будам.

Шавҳар мегӯяд:

— Луб-лучак будӣ?

Зан мегӯяд:

— Не, мисли Ипполит бо палтоям!     

Ғижжак

Марде ба ҳамсояаш занг зада, мегӯяд:

— Ҳамсоя, зуд ғижжакнавозиро бас кунед! Безори ҷон шудам, агар чунин давом кардан гирад, ман девона мешавам.

Ҳамсоя дар ҷавоб:

— Шумо аллакай девона шудед. Мо ғижжакро як ҳафта пеш фурӯхта будем.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube