Аз таҳти дил бихандед!

Зиёфат

Ҷавоне ҳамроҳи маъшуқааш ба тарабхона омада, ду истакон об фармоиш медиҳад. Духтар мегӯяд:

— Шумо ваъда дода будед, ки зиёфати хубе медиҳам. Ҳамин аст зиёфат?

Ҷавон баъди ин сухан пешхизматро ҷеғ зада, мегӯяд:

— Майлаш, зиёфат бошад зиёфат, ба мо ду сатил об.

Тасма

Аз баҳси корманди ГАИ бо ронанда:

— Шиносномаи ронандагӣ доред?

— Дорам.

— «Техосмотр» чӣ?

— Дорам.

— Маълумоти муҳити зист?

— Албатта.

— Чаро тасма набастед?

— Шӯхӣ накунед, бародар, дар «спортивка» чӣ хел тасма бандам?

Қалами сурх

Модар вақти гусели фарзандаш ба хизмат таъкид мекунад:

— Писарам, рафтӣ, тез-тез хат навис, овозаҳо бисёр, ҳақиқаташро навис, агар ҳолат хуб набошад, мо зуд хабаргирӣ меоем.

— Эҳтиёт кунед, номаҳоро месанҷанд,- ба гап ҳамроҳ мешавад тағои аскарбача.

— Ин тавр бошад, писарам, агар шароит хуб бошад, бо ручкаи кабуд навис, мабодо бад шуд, қалами сурхро истифода бар, ман худам мефаҳмам.

Баъди якуним моҳ ба номи модар ба ин мазмун нома мерасад:

— Модарҷон ҳамааш хуб, нохубаш ҳамин, ки ба мо қалами сурх намедиҳанд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube