Аз таҳти дил бихандед!

Қарздор

Аз марде мепурсанд:

— Шумо наметарсед, ки аз коронавирус вафот мекунед?

Мард дар посух мегӯяд:

— Ман аз бонк қарздор ҳастам, онҳо маро мурдан намемонанд.

Моҷаро

Марде ба ҳамсояаш занг зада, мегӯяд:

— Парвиз, зудтар ба кӯча баро! Он ҷо ду зан барои ту моҷаро доранд!

Парвиз фахр карда, мегӯяд:

— Ҳа бародар, дидӣ қудрати маро, занҳо бароям ҷанг мекунанд…

Мард дар ҷавоб мегӯяд:

— Ҳа дида истодаам, як зан мегӯяд, ки “Парвизро ба ту бахшидам!”, дигараш мегӯяд: “Аз афташ безорам, ба худат насиб кунад!”.

Имтиҳон

Дар Донишгоҳи тиббӣ имтиҳон мегузарад. Омӯзгор ба донишҷӯён мегӯяд:

— Шогирдони азиз, шпаргалкаҳои худро баъди истифодабарӣ напартоед, солҳои аввали корӣ онҳо ба шумо даркор мешаванд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube