Аз таҳти дил бихандед!

Талаб

Аз сардори холабеғаме пурсиданд:

— Чаро аз тобеонатон кор талаб намекунед?

Ў гуфт:

— О, кор талаб кунам, онҳо ҳам талаб мекунанд-дия!

Гуфтанд:

— Чиро?

Гуфт:

— Истеъфоямро.

Ҷабр

Устоде кори шогирд ба номи худ менавишт ва музд ба ҷайби хеш мезад. Шогирдро тоқат тоқ шуду гуфт:

— Ин чӣ ҷабр аст?

Ў гуфт:

— Ҷабри устод беҳ зи меҳри падар.

Аз куҷо ёбам?

Марде дигареро дид, ки ба ғам афтода.

Гуфташ:

— Чаро ғамгинӣ?

Ў гуфт:

— Ҳазорсўмаеро майда кардан мехоҳам.

Гуфт:

— Хайр, майда кун.

Гуфт:

— О, он ҳазорсўмаро аз куҷо ёбам?!

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube