Аз таҳти дил бихандед!

Одаму китоб

Олиме рӯйи миз китоб паҳн карда, машғули навиштан буд. Писарчааш наздик омаду дид, ки падараш китобҳоро варақ зада, чизе менависад.

— Дада, чӣ менависед?,- гуфта пурсид.

— Китоб,- ҷавоб дод олим.

— Китобро аз рӯйи китоб менависанд?,- боз пурсид бача.

— Ҳа, писарам,- гуфт олим,- аз одам одам мерӯяду аз китоб китоб.

Гуфтанӣ

Рӯзе Насриддин ба минбари масҷид баромада, гуфт:

— Эй, ҷамоат, оё медонед, ки ман ба шумо чӣ гуфтанӣ ҳастам?

— Намедонем,- гуфтанд ҳам.

— Ҳаминро ҳам, ки надонед, ба шумо чӣ гӯям?!,- гуфта, аз минбар фаромад.

Рӯзи дигар Насриддин боз ба минбар баромада, ҳамон саволро такрор кард.

— Медонем,- гуфтандин дафъа мардум.

— Медониста бошед, ба гуфтани ман чӣ ҳоҷат?!,- гуфта, Насриддин аз минбар фаромад.

Ӯ бори сеюм ба минбар баромада, саволи аввалаашро дода буд, ки гуфтанд:

— Нисфамон медонем, нисфи дигарамон не.

Насриддин:

— Ин тавр бошад, нисфи медонистагиатон ба нисфи намедонистагиатон гӯед!

Хушнудӣ

Имоме дар маҷлисе мегуфт:

— Оё моҳи Рамазон аз мо хушнуд рафт ё не?

Зарифе гуфт:

— Бале, хушнуд рафт.

Имом гуфт:

— Дар чӣ асос мегӯӣ?

Гуфт:

— Аз он ҷо, ки агар нохушнуд равад, соли дигар боз наояд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube