Аз таҳти дил бихандед!

Моҷаро

Дар байни кӯча ду нафар бо ҳам муноқиша мекунанд. Марди якум мегӯяд:

— Гӯсфанд!

Марди дуюм дар ҷавоб:

— Худат гӯсфанд!

Роҳгузаре ҷанҷоли онҳоро шунида, мегӯяд:

— Модоме ҳардуятон хешу табор бошед, барои чӣ моҷаро мекунед?

Савол

Харидор мехоҳад ба асаби қассоб расад:
— Ин гӯшт дар зинда буданаш “мияв” мегуфт ё “вов—вов”?
Қассоб:
— Ин гӯшт дар вақти зинда буданаш ҳар хел савол медод!

Дубай

Мард ба дӯсташ мегӯяд:

— Беҳтарин лаҳзаҳои умрам марбут ба сафари Дубай аст.

Дӯсташ дар ҷавоб:

— Баҳ-баҳ, Дубай рафтӣ?

Мард мегӯяд:

— Не, порина занам рафта буд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube