Аз таҳти дил бихандед!

Маҳбаси зан

Зане ба маҳбас ба хабаргирии шавҳараш меравад:

— Мардак, чӣ ҳол дорӣ?

Мард мегӯяд:

— Қариб ки мисли хона, хӯроки бемаззаву ба ягон ҷо рафтан мумкин нест.

Ҷанг

Шогирд:

— Муаллим, зиёиён ҳам ҷанг мекунанд?

Муаллим:

— Мутаассифона, ҳа!

Шогирд:

— Он ҷанг ба кадом моҳ рост меояд?

Муаллим:

— Ба моҳи августи фасли тобистон!

Шогирд:

— Агар махфӣ набошад, ин ҷанг чӣ ном дорад, устод?

Муаллим:

— Номаш «Тақсимоти дарс» аст, шогирди азиз…

Андоз

Аз суҳбати зану шавҳар:

— Азизам, ман намефаҳмам, андози мустақим аз ғайримустақим чӣ фарқ дорад?

— Мустақимаш маълум ку!

— Чӣ хел маълум?

— Охир, ту, ки чанд пул будани моҳонаи маро аниқ медонӣ, маошамро танга ба танга ҳисоб карда мегирӣ. Ҳаминаш мустақим.

— Пас, ғайримустақимаш чӣ?

— Ғайримустақимаш, ҳамин ки маро хоб бурд, хеста кисаҳоямро боз як бори дигар мековӣ, ки мабодо ягон сомонии баҷоӣ надошта бошам.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube