Аз таҳти дил бихандед!

Сигор

Марде дар кӯча сигор мекашад. Зане наздаш омада, мегӯяд:

— Ҳой мардак, айбро намедонед, дар назди кӯдакон сигор мекашед?

Мард дар ҷавоб мегӯяд:

— Мебахшеду ин сигорро ман аз ҳамин кӯдакон кашида гирифтам!

Шарти ҳамсар

Баъди тӯй мард ба занаш мегӯяд:

— Азбаски ту ҳамсари ман ҳастӣ, бояд се одати маро эҳтиром намоӣ: Якумаш, ҳар рӯзи чоршанбе ман бо дӯстонам ба бозии футбол меравам. Барф аст, борон аст, фарқаш нест. Футбол! Фаҳмидӣ?

— Фаҳмидам,- мегӯяд зан.

Мард гапашро давом медиҳад:

— Дувум. Ҳар рӯзи ҷумъа ман бо дӯстонам ба зиёфат меравам. Фаҳмидӣ?

— Фаҳмидам,- ҷавоб медиҳад зан.

Мард боз мегӯяд:

— Сеюмаш, ҳар рӯзи якшанбе ман ба моҳидорӣ меравам. Зимистон, сардӣ, зодрӯзи хушдоман садди роҳи ман шуда наметавонад, зеро ман ба моҳиқапӣ меравам. Фаҳмидӣ?

— Фаҳмидам,- ҷавоб медиҳад зан. 

Мард:

— Хайр, шартҳои маро қабул дорӣ? 

— Бале,- мегӯяд зан.

Мард:

— Зид ҳастӣ?

— Не,- мегӯяд зан.

— Шояд ту ҳам ягон одат дорӣ, канӣ гап зан?,- мепурсад мард.

Зан:

— Бале, якто дорам. Ҳар бегоҳ соати 9 ман ба ишқварзӣ машғул мешавам. Шавҳарам дар хона ҳаст ё нест, барои ман фарқ надорад. Фаҳмидӣ?

Кабӯтар бо маймун

Ҷавоне ба духтаре мегӯяд:

— Духтари зебо, бо шумо шинос шудан мумкин?

Духтар:

— Дар куҷо дидаӣ, ки кабӯтар бо маймун шинос шавад?

Ҷавон дар ҷавоб:

— Ҳммм, ин тавр бошад, ман паридам!

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube