Аз таҳти дил бихандед!

Хоб

Зан ба шавҳар мегӯяд:

— Мардакҷон, имшаб хоб дидам, ки ба ман ангуштарини тиллоӣ туҳфа кардаӣ.

Шавҳар мегӯяд:

— Ту агар бо ман ҷангу ҷанҷолатро бас кунӣ, ин дафъа дар хобат ба ту гарданбанди тилло мехарам.

Туҳфаи БДА

Кормандони БДА мошини Афандиро манъ карда, мегӯянд:

— Шумо аввалин ронандае ҳастед, ки қоидаи роҳро вайрон накардаед, марҳамат ин 1000 сомонӣ ба шумо туҳфа!

Афандӣ дар ҷавоб:

— Ура, бо ин пул ҳуҷҷати ронандагӣ мехарам!

Корманди БДА:

— Шумо ҳуҷҷати ронандагӣ надоред?

Ҳамин дам зани Афандӣ аз даруни мошин мегӯяд:

— Ако, аҳамият надиҳед, дар вақти мастияш вай ҳар гапро гуфтан мегирад.

Корманди БДА:

— Боз шумо маст ҳам ҳастед?

Хушдомани Афандӣ аз қафои мошин овоз мебарорад:

— Ман нагуфтам, ки бо мошини дуздӣ дур рафта наметавонем!

Никоҳи хешутаборӣ

Зану шавҳар бо ҳам муноқиша мекунанд. Зан бо ғазаб ба шавҳараш мегӯяд:

— Кошки ба ҷойи туро гирифтан шайтонро мегирифтам!

Мард дар ҷавоб:

— Никоҳи хешутаборӣ манъ аст.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube