Аз таҳти дил бихандед!

Пиру ҳиллагар

Модар аз писараш мепурсад:

— Бачем, арӯсшавандаат чандсола аст?

Писар:

— 35-сола.

Модар:

— Наход ҳамин пирро ба занӣ гирӣ-а?

Писар:

— Оча, Гулноз ба назар 25-сола менамояд!

Модар:

— Ҳа, бар замми пир буданаш, боз ҳиллагар аст, гӯй!?

Хешовандон

Зану шавҳар бо мошин аз назди деҳае мегузаранд. Зан ду маркабро дида, ба шавҳараш мегўяд:

— Хешовандонатро дидӣ?

Шавҳар мегӯяд:

— Наход хусуру хушдоманамро надида гузарам!?,- ҷавоб медиҳад мард.

Эҳтиёт

Ронандаи таксӣ мошинро сахт ронда, ҳатто чароғаки сурхро мегузарад… Зани мусофире, ки дар дохили он менишаст, мегӯяд:

— Ронанда, мошинро боэҳтиёт ронед, ман дар хона ҳашт фарзанд дорам!

Ронанда бо чашмони пур аз ҳайрат мегӯяд:

— Шумо ба ман дар бораи эҳтиёт гап мезанед?

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube