Ба ҷои Пан Ги Мун Гутерреш Котиби генералӣ мешавад
Антониу Гутерреш, сарвазири собиқи Португалия Котиби генералии Созмони миллали муттаҳид (ООН) интихоб шуд. Дар ин бора хабаргузориҳои байналмилалӣ иттилоъ додаанд.
Бар асоси иттилои Reuters, дар шашумин раъйдиҳии пешакӣ ҳеч кишвар муқобили Гутерреш раъй надодааст.
Гутерреши 67-сола солҳои 1992-2002 ба сифати котиби генералии Ҳизби сотсиалистии Португалия ва сарвазири ин кишвар кор кардааст. Аз соли 2005 дар вазифаи Комиссари олии СММ дар умури паноҳандагон фаъолият мекард.
Гутерреш дар ин мақом Пан Ги Мунро иваз хоҳад кард. Муҳлати Пан Ги Мун, ки аз соли 2007 дар ин мансаб аст, моҳи январ поён меёбад.
Котиби генералии СММ барои 5 сол таъин мешавад, аммо имкони барои як муҳлати дигар интихоб шудани ӯ мавҷуд аст.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ