Бонувони  мансабдори тоҷик дар Русия масоили ҳамкориро баррасӣ карданд

Муовинони вазири меҳнат, муҳоҷират ва шуғли аҳолӣ Шаҳноза Нодирӣ ва вазири маориф ва илми Тоҷикистон Лутфия Абдулхолиқзода ба Русия сафар карданд.

Бонувони  мансабдори кишвар  бо муовини вазири маорифи Русия Корнеев Андрей дидору гуфтугӯ карданд.

Дар рафти вохӯрӣ  намояндагони Дастгоҳи иҷроияи Президенти Тоҷикистон, Сафорати Тоҷикистон дар Русия ва вазорати меҳнат, иштирок намуданд.

Зимни вохӯрӣ ҷонибҳо мавзӯи густариши ҳамкориҳои Тоҷикистон ва Русия дар соҳаи илму маориф, инчунин оид ба сохтмони маркази таълимии байналмилалӣ барои кӯдакони лаёқатманд дар Тоҷикистонро матраҳ намуданд.

Инчунин ҷонибҳо рафти фаъолияти панҷ мактаби муштараки таҳсилоти умумии Тоҷикистону Русия, мутобиқ кардан ва расондани китобҳои дарсии забони русӣ, санҷиши ҳатмии донистани забони русии фарзандони шаҳрвандони хориҷӣ ҳангоми қабули онҳо ба мактабҳои Русия ва фаъолияти Донишгоҳи давлатии омӯзгории Алтай, омӯзиши фанни таърих дар Тоҷикистонро баррасӣ намуданд.

Дар ин дидор масъалаи ташкили сафари кории Вазири маорифи Русия Сергей Кравтсов ба Тоҷикистон мавриди баррасӣ қарор дода шуд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube