Боз мавзӯи “баттл”-и Шон МС ва Райдер

Масъули ютубканали “Барори кор”, ки дар ҳоли ҳозир ягона ташкилкунандаи “баттл”-и тоҷикӣ дар Русия аст, бо нашри наворе аз обуначиҳояш кумак хост.

— Ман аз шумо пурсиданиам, ки кадомашро интихоб мекунед: “баттл”-и Шон МС ва Райдерро аз Сунат Шарипов харида, нашр кунам ё ба пули он чор нафарро “баттл” монам?,- савол додааст ба обуначиҳояш.

Ёдовар мешавем, ки соли 2021 Шон МС ва Райдер дар Душанбе “баттл” карда буданд ва он нашр нашуд. Инак, ду сол мешавад, ки мухлисони онҳо мехоҳанд наворро бубинанд. Сунат Шарипов, ки “баттл”-ро ташкил карда буд, чанде пеш эълон кард, ки видеои онро мефурӯшад ва чун ҳоло дар ин самт масъули ютубканали “Барори кор” фаъол аст, мардум аз ӯ талаб доранд, ки ин корро анҷом диҳад.

Агар “баттл”-и Шон МС ва Райдерро мардум ҷонибдорӣ кунанд, пас ҳаводорони ин навъи рэп аз тамошои ду “баттл” миёни рэпсароён Рейкл ва Далершо, Шаман ва Десантура маҳрум мешаванд. Ба қавли масъули ютубканали “Барори кор” ҳамааш дар дасти мухлисон аст, чӣ тавре ки хоҳанд, ҳамон тавр мешавад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube