Боз як сол. Муҳлати азнавбақайдгирии симкортҳо тамдид шуд

Муҳлати азнавбақайдгирии симкортҳои мобилӣ бо шиносномаи нав ба муддати 1 соли дигар тамдид гардид.

Дар ин маврид имрӯз Рамазон Раҳимзода — вазири корҳои дохилии кишвар зимни нишасти матбуотӣ ба хабарнигорон иттилоъ дод.

Бояд ёдовар шуд, ки муҳлати азнавбақайдгирии симкортҳо то 15-уми феврал муқаррар шуда буд.

Бояд зикр намуд, ки бақайдгирии симкортҳои мобилии шаҳрвандон бо шиносномаҳои пластикии ID бо мақсади иҷрои Қарори Ҳукумати кишвар аз 30-юми апрели соли 2016 “Дар бораи тартиб ва талаботи пайвастшавӣ ба шабакаи алоқаи барқӣ ва хизматрасониҳои вобаста ба он” ҷорӣ карда шудааст.