Боздошти гурӯҳи нашъаллоб дар Душанбе

Милитсияи пойтахт аз як гурӯҳи муташаккили нашъаҷаллоб иборат аз 5 нафар 127 кг воситаҳои гуногуни нашъадор дарёфту мусодира кардааст.

Раёсати ВКД дар шаҳри Душанбе хабар дод, ки ҳамаи аъзои ин гурӯҳ боздошт шуда, бар зидди онҳо барои муомилоти маводи мухаддир аз ҷониби гурӯҳи муташаккил (қисми 4, моддаи 200 Кодекси ҷиноятӣ) парванда боз шудааст.

Ин банди қонунгузорӣ аз 12 то 20 соли зиндонро пешбинӣ мекунад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube