Боздошти сокинони ноҳияи Бобоҷон Ғафуров бо гумони узвият дар созмонҳои мамнӯъ

Мақомоти ҳифзи ҳуқуқ дар арафаи сафари Президенти кишвар Эмомалӣ Раҳмон ба вилояти Суғд, се сокини ноҳияи Бобоҷон Ғафуровро бо гумони узвият дар созмонҳои динии мамнӯъ боздошт кардаанд.

Мақомот ҳанӯз ҳодисаро шарҳ надодаанд, аммо ба иттилои “Озодӣ” ду нафари боздоштшуда масъули масҷиди Хоҷа Муҳаммади Балодуркун дар деҳаи Рӯмон ва як нафари дигар намозгузори ин масҷид будааст.

 Зидди боздоштшудаҳо парвандаи ифротгароӣ боз шуда, тафтишоти пешакӣ идома дорад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube