Дар Ӯзбекистон муриш 13,5 фоиз афзудааст

Тавре “Озодӣ” ба истинод ба Кумитаи омори он кишвар хабар медиҳад, шумори фавтидагон дар Узбекистон дар соли 2020 нисбат ба соли 2019 13,5 дарсад афзудааст. Ба ин тартиб, дар соли 2020 дар Узбекистон 175,6 ҳазор марг сабт шудааст.
Сабаби афзоиши маргу мирро дар Узбекистон ба бемориҳои мухталиф, аз ҷумла кори дилу рагҳо, бемориҳои роҳи нафас, бемориҳои уфунӣ рабт додаанд.
Кумитаи омори Узбекистон иттилоъ надодааст, ки чи теъдод аз ин фавтидаҳо қурбонии коронавирус будаанд ва дар умум дар ин омор мафҳуми коронавирус зикр нашудааст.
Вазорати тандурустии Узбекистон рӯзи 18 январ хабар дод, ки дар он кишвар 620 кас аз коронавирус фавтидааст.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube