Дар Чемпионати Тоҷикистон-2023 таътили тобистона фаро расид
Бо анҷоми панҷ бозии мавқуфгузоштаи даври панҷуми Чемпионати футболи Тоҷикистон-2023 таътили тобистона фаро расид, ки як моҳ идома хоҳад кард.
— Дар ин муддат бошгоҳҳои Лигаи олӣ метавонанд ба ҳайати худ ислоҳот ворид кунанд,- хабар медиҳад Федератсияи футболи Тоҷикистон.
«Истиқлол»-и Душанбе пешсафи ҷадвали чемпионат аст. Шогирдони Игор Черевченко дар 13 бозӣ 29 имтиёз ба даст овардаанд. Дар зинаи дуюми ҷадвал «Кӯктош» ҷойгир аст. Шогирдони Аҳлиддин Турдиев дар 14 вохӯрӣ 25 имтиёзро соҳиб шудаанд. Дастаи «Равшан»-и Кӯлоб мақоми сеюмро касб кардааст.
Нимаи дуюми Чемпионати футболи Тоҷикистон-2023 бо бозиҳои даври понздаҳум рӯзҳои 3 ва 4-уми август оғоз мешавад.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ