Дар Душанбе ҷавонзанро бо гумони дуздӣ боздошт карданд

Кормандони ОМВД-1-и ноҳияи Шоҳмансур зани 21-солаи сокини ноҳияи Рӯдакӣ Мижгонаи Худойдодро ҳамчун гумонбар дар содир намудани ҷинояти дуздӣ дастгир намуданд. Дар ин бора раёсати ВКД дар шаҳри Душанбе хабар медиҳад.

Тибқи иттилои манбаъ гумонбаршуда санаи 1-уми январи соли 2025 ба манзили истиқоматии Забирова Н. ворид шуда, ҷавоҳироти тилло ва нуқраро ба маблағи 58 ҳазор сомонӣ дуздидааст.

Феълан алайҳи гумонбаршуда тафтишоти пешакӣ идома дорад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube