Дар Панҷакент коргоҳи истеҳсоли шифер бунёд мегардад
Дар доираи татбиқи ҳадафҳои Солҳои рушди босуръати саноат (2022-2026), бо дастгирии мақомоти иҷроияи маҳаллии ҳокимияти давлатии шаҳри Панҷакент, дар ҳудуди Ҷамоати деҳоти Сӯҷина, дар соҳили дарёи Зарафшон, аввалин коргоҳи истеҳсоли шифер бунёд мегардад.
Зимни сафари корӣ ба Ҷамоати деҳот, раиси шаҳри Панҷакент Абдухолиқ Холиқзода бо рафти омодагиҳо барои бунёди коргоҳи истеҳсоли шифер ва коркарди сангу шағал, ки аз ҷониби соҳибкор Баҳодур Неъматуллоев амалӣ мегардад, аз наздик шинос шуд.
Тибқи маълумот, таҷҳизоти зарурӣ ба ширкатҳои хориҷӣ фармоиш дода шудааст ва айни замон корҳои омодасозии майдони сохтмон бо истифодаи техникаи лозимӣ идома доранд.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ