Дар Тоҷикистон замин ҷунбид
Нимаи дуюми рӯзи 25 октябри соли 2023, дар қаламрави Тоҷикистон боз заминларзаи шадид ба амал омад. Марказҳои зилзиланигорӣ шиддати онро тибқи ҷадвали Рихтер аз 4,4 то 5,2 балл баровард кардаанд.
Маркази заминларза дар 8-километрии ҷанубушарқи мавзеи Қаракенҷаи ноҳияи Лахш (собиқ Ҷиргатол) дар шарқи Тоҷикистон ҷойгир шуда,замин дар ин ҷо дар умқи 9 километр ларзидааст. Иқтидори ин заминларзаро 4,4 балл гуфтаанд.
Зилзила баъди Хатлон ВМКБ-ро ҳам ларзонд.
Дар ноҳияи Мурғоби ВМКБ соати 13:31 дақиқа заминҷунбӣ рух дода шиддати ҷунбиши он 4 баллро ташкил намудааст. Марказҳои зилзиланигорӣ заминҷунбии ноҳияи Роштқалъаи ВМКБ- ро бо шиддати 4.2 балл арзёби кардаанд. Ҳоло маълумот дар мавриди хисороти ин офати табиӣ дар даст нест.
Тоҷикистон дар як минтақаи зилзилахези қораи Осиё ҷойгир шуда, ҳар сол дар қаламраваш садҳо заминҷунбӣ сабт мешавад.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ