Дар заминларзаи шаби 2-юми июн талафот ва хисорот нест

Соати 23:35–и шаби 2-юми июн дар Тоҷикистон заминларзаи шадид шуд. Маркази заминларза дар Ӯзбекистон будааст.

Бино ба иттилои Академияи миллии илмҳои Тоҷикистон, маркази заминларза дар 59-ум километрии ғарби Душанбе ва 12-ум километрии ҷанубу ғарби шаҳри Турсунзода дар вилояти Сурхандарёи Ӯзбекистон воқеъ будааст.

Гуфта мешавад, ки маркази зилзила дар умқи 10 километр воқеъ буда, 4,4 балл ва дар шаҳри Душанбе 3-4 баллро ташкил додааст.

Талафот ва хисорот ба қайд гирифта нашудааст.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube