Даргузашти писари Мирзо Турсунзода

Масъуд Турсунзода, писари калонии Қаҳрамони Тоҷикистон Мирзо Турсунзода субҳи 12-уми сентябр дар шаҳри Душанбе даргузашт.

Сабаби даргузашти ӯро яке аз наздиконаш ба Pressa.tj сактаи қалб арзёбӣ кард.

Ба гуфти манбаъ, Масъуд Турсунзода чанд соли ахир аз бемории қанд ранҷ мебурд.

Масъуд писари калонии Мирзо Турсунзода буд. Ӯ мутахассиси соҳаи физика ва радиотехника буд ва солҳои тӯлонӣ Коллеҷи техникии шаҳри Душанберо раҳбарӣ кард.

Ёдовар мешавем, ки шоир Мирзо Турсунзода соҳиби 3 фарзанд буд. Писари дуюмаш шарқшинос Парвиз ду сол қабл аз олам даргузашт.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube