Даври 7-уми Суперлигаи Тоҷикистон-2023 бе ҳангома ҷамъбаст шуд

Даври ҳафтуми мусобиқаи Суперлигаи футзали Тоҷикистон-2023 бе ҳангома ба анҷом расид. Пешсафи ягонаи чемпионат дастаи «Истиқлол»-и Душанбе аст, ки боз ҳам ғалаба ба даст овард.

Даври ҳафтуми Суперлигаи кишвар натиҷаи ғайричашмдошт ба бор наовард. «Истиқлол» бар «Пойтахт» (12:2) пирўзии осон ба даст овард ва «Соро компания» бошад, бар «Самандар» (15:2) раҳм накард. Дар вохўрии дигар футзалбозони «Истаравшан» ва «Амонатбонк» мусовӣ (2:2) бозӣ карданд.

Баъди ҳафт давр «Истиқлол» бо 19 имтиёз дар ҷадвали мусобиқа пешсаф аст. «Соро компания» бо 16 имтиёз дар ҷои дуюм қарор дорад. Зинаи сеюмро «Амонатбонк» бо дарёфти 10 хол аз худ кардааст.

Рўзҳои 19 ва 20-уми август бозиҳои даври ҳаштуми Суперлигаи Тоҷикистон-2023 баргузор мешаванд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube