Дилшод Назаров барои ду сол аз мусобиқаҳо маҳрум карда шуд

Дилшод Назаров, гурзандози тоҷик ва қаҳрамони Бозиҳои олимпии соли 2016 дар Рио-де-Жанейро барои истифодаи моддаи мамнӯъ ба муҳлати ду сол аз ширкат дар мусобиқаҳо маҳрум карда шуд, хабар медиҳад сомонаи расмии ин ниҳод AIU.

Давраи маҳрум кардани қаҳрамони феълии Олимпиада аз 24 сентябри соли 2019 оғоз мешавад, аз ин рӯ Назаров метавонад бозгашт барои ширкат дар мусобиқаҳоро моҳи октябри соли 2021 оғоз кунад.
Ин гурзандози тоҷик пас аз дубора санҷидани намунаҳои допинг аз ӯ ҳангоми мусобиқаи ҷаҳонии варзиши сабук соли 2011 дар шаҳри Тэгуи Кореяи Ҷанубӣ муҷозот шуда буд.
Дар намунаи ӯ моддаи манъшудаи дегидрохлорметилтестостерон (DHCMT) ёфт шуд.
Ҳамин тариқ, дастовардҳои варзишгар давоми ду сол аз 29 августи 2011 то 29 августи соли 2013 бекор карда мешавад.
Дилшод Назаров ғайр аз медали тиллои Бозиҳои Олимпии 2016, дорандаи медали нуқраи чемпионати ҷаҳон-2015 дар Пекин ва инчунин се медали дараҷаи олии Бозиҳои Осиё мебошад.
Қаҳрамони олимпӣ оид ба гурзандозӣ Дилшод Назаров омодагии комили худро барои иштирок дар Бозиҳои навбатии олимпӣ эълон кард.
Дилшод Назаров ягона варзишгари тоҷик аст, ки дар Бозиҳои олимпӣ таҳти парчами Тоҷикистон сазовори унвони қаҳрамонӣ ва медали тилло шудааст.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube